تحذير لكل الشباب من شركة فهد الدولى لالحاق العمالة المصرية بالخارج

السلام عليكم ورحمة الله وبركاته 

بداية أنا عملت الموضوع علشان خاطركم علشان ما تقعوش فى نفس المطب اللى انا وقعت فيه لانى انا اكتر واحد عارف يعنى ايه تروح تخلص اوراق من مصالح حكومية وكل ورقة يتطلب منك يجى الف ختم عليها وبعد ما تعمل كل ده وتحس انك شربت المرار وتبقى مش مصدق فى الاخر ان ربنا كرمك وخلصت كل الاختام دى وتيجى بقى لآخر حاجه وهى ختم القنصلية وانت خارج بقى  الملحقية الثقافية تلاقى جنبك شركة الفهد الدولى لالحاق العمالة المصرية بالخارج تروحلوا تسلمله اوراقك ويقولك خلال 3 ايام ويطلع وكمان تدفعله 150 جنيه على كل ورقه يعنى اغلى ب 50 جنيه من المكاتب الاخرى مفيش مشكله . يعدى 3 ايام فى اسبوع فى اسبوعين فى شهر وفى الاخر يقولك ورقك تاه ده مش معايا انا بس ده مع ناس كتييييييييير جدا 

وبكل برود يقولك حاول تطلع ورق غيره بكل سهوله 

عالعموم خلوا بالكم كويس قوى لان انا عارف انتوا اتبهدلتوا قد ايه علشان تخلصوا ورقكم 

في مكاتب تانيه كتييير جدا محترمه انا اتعاملت معاهم بس للاسف انى استسهلت قرب المكتب منى مش هقولكم على اسماء مكاتب علشان محدش يقول انا عامل الموضوع ده دعاية لمكتب تانى لكن والله العظيم علشان متنصدموش بعد بهدلتكم وفى الاخر يقولكوا ورقكم ضاع 
وده اسم الشركة زى ما مكتوب بالوصل بالظبط شركة الفهد الدولى لالحاق العمالة المصرية بالخارج 
ترخيص رقم 734 
عنوان 30 شارع هارون الدقى جيزه امام الملحق الثقافى السعودى شقة رقم 2

وربنا يوفقكم جميعا

واللى عاوز اى استفسار ممكن يبعتلى على الايميل ده وانا تحت امركم

hossamegypt8@gmail.com